余翠怡

我們欣喜地報導營友翠怡， 一顆體壇新星的傑出成就。

翠怡屬於最早期加入愛心童樂營的營友。 她學習劍擊只短短一年間， 已經有驕人成績。 現時是女子輪椅劍擊世界排名第九， 曾於今年兩度代表香港出賽。 首次出賽意大利盧納圖世界盃賽， 便勇奪女子個人花劍及重劍公開組的兩面銀牌。 十一月份翠怡將再次代表香港到匈牙利布特佩斯作賽。

為表揚她於2001年的優秀成績， 康體發展局更頒發傑出青少年運動員獎項給她。 我們除了以她為榮之外， 更衷心祝福翠怡於體壇上再創佳績。

以下是我們與這位明日之星的談話內容。

問: 妳係幾時發現自己有癌病， 當時心情點樣？
答: 自細我就坐唔定， 成日紮紮跳。 ? 95年小學運動會之後， 發覺膝蓋腫起， 經多次檢查後， 証實係骨癌。當時只得11歲， 並唔知究竟是什麼一會事， 更加唔識驚。

問: 係治療過程中， 有冇最深刻同難忘的經歷？
答: 嘔啦！ 不停地嘔囉！！ 因藥物影響， 除?甩晒頭髮， 我仲會不時嘔吐。 宜家講起， 個種感覺依然記憶猶新！

問: 是什麼驅使妳下決心切去一隻腳？ 有冇唔捨得？
答: 當然有！ 話冇妳都唔信啦！ 不過姑娘一句「剪不斷， 理還亂」， 提醒我唔應該再拖拖拉拉。 駁骨成年幾， 依然持續有排斥、 發炎。 每日洗傷口， 令我苦不堪言。乾脆面對現實， 況且只係一隻腳， 可以留住條命， 一切都可以重新開始。

問: 家人、 朋友點樣支持同影響妳?
答: 家人比我支持最大， 特別係媽咪， 除?悉心照顧，陪伴我之外， 重要忍受我發脾氣的時候。 其實佢比我仲辛苦。 仲有醫院?社工， 不時開解我， 令我知道這條路上並唔孤獨。 使我更珍惜生命同身邊擁有的東西， 知道幸福唔係必然！

問: 我知道妳以前是游水?， 點解會轉為學劍擊？
答: 游水只係同時間比賽， 只要不停向前游。 但學劍擊就唔同， 要因應不同對手， 冷靜地思考、 判斷、 作出攻擊， 我覺得更有靈活同挑戰性。

問: 對未來有什麼抱負？ 有冇諗過轉做全職運動員？
答: 無諗過， 因為運動員生涯並唔長久。 如果可以， 我希望將來做律師， 幫助有需要的人。 暫時的目標就係2008北京奧運。

後記： 原本已是活潑、 開朗的翠怡， 今日更添幾分自信。 這份對生命的 堅持、不放棄、 積極的態度， 值得我們去一再欣賞和學習。